Оффис, худалдааны төв, зочид буудлын ашиглалтын зардлын хамгийн том хэсэг нь эрчим хүч байдаг. Гэтэл ихэнх барилгад халаалт, агааржуулалт хүн байхгүй үед ч бүрэн хүчээр ажиллаж, гэрэлтүүлэг өдөржин асаалттай байдаг. Барилгын удирдлагын систем (BMS) энэ алдагдлыг арилгадаг — олон улсын туршлагаар хэмнэлт 10–30% хүрдэг.
1. Хуваарьт удирдлага. Ажлын бус цагаар халаалт, агааржуулалтыг автоматаар бууруулна. Хамгийн энгийн бөгөөд хамгийн том хэмнэлт энд байдаг.
2. Гадна нөхцөлд уялдсан горим. Гадна агаарын хэмд тохируулан халаалтын муруйг автоматаар шилжүүлнэ — Монголын огцом хэлбэлзэлтэй уур амьсгалд онц үр дүнтэй.
3. Хэрэгцээнд суурилсан агааржуулалт. CO2 мэдрэгчээр бодит ачааллыг хэмжиж, вентиляторын хурдыг тохируулна. Хоосон танхимд бүрэн хүчээр үлээх шаардлагагүй.
4. Гэрэлтүүлгийн автоматжуулалт. Хөдөлгөөн, гэрлийн мэдрэгчээр шаардлагагүй үед унтраана.
5. Хэрэглээний хяналт. Тоолуурын дата (AMR) хаана, хэзээ, юунд зарцуулж байгааг ил болгож, хэвийн бус хэрэглээг илрүүлнэ.
Алтай Холдингийн E-Mart3 худалдааны төвд бид Schneider Electric-ийн EcoStruxure Building платформ дээр HVAC, гэрэлтүүлэг, гал, лифтийг нэгтгэсэн. Инженерийн алба бүх барилгыг нэг дэлгэцээс хянаж, хуваарьт болон мэдрэгчид суурилсан удирдлагаар эрчим хүчний зардлаа мэдэгдэхүйц бууруулсан.
BMS-ийн хөрөнгө оруулалт ихэвчлэн 2–4 жилд эрчим хүчний хэмнэлтээрээ нөхөгддөг. Шинэ барилгад зураг төслийн шатанд суулгах нь хамгийн хямд; ашиглалтад байгаа барилгад ч үе шаттай нэвтрүүлэх бүрэн боломжтой.
Танай барилгын хэмнэлтийн боломжийг үнэгүй үнэлүүлэх бол: 7733-4478.
Инженер маань үнэгүй урьдчилсан үнэлгээ, төсөв гаргаж өгнө.